Informacioni i lejuar për publikim është shprehimisht i parashikuar në nenin 7 të ligjit nr.119/2014 “Për të drejtën e informimit”.

Në përputhje me këtë program transparence, të miratuar nga DNJF, vendosen në dispozicion të publikut në faqen e internetit www.ndihmajuridike.gov.al, si dhe në mjediset e pritjes së publikut, kategoritë e mëposhtme të informacionit:

• Mbi strukturën organizative;
• Mbi tekstet e plota të ligjeve, të akteve nënligjore, të kodeve të sjelljes, dokumente politikash, manuale ose ndonjë dokument tjetër që ka lidhje me ushtrimin e funksioneve të tij dhe që prek publikun e gjerë;
• Mbi procedurat që duhen ndjekur për të bërë një kërkesë për informim, adresën postare dhe elektronike për depozitimin e kërkesave për informim, si dhe procedurat e ankimit të vendimit përkatës;
• Mbi informacion për vendodhjen e zyrave të Drejtorisë së Ndihmës Juridike Falas, orarin e punës, emrin dhe kontaktet e koordinatorit për të drejtën për informim;
• Mbi informacionin për arsimin, kualifikimet dhe pagat e funksionarëve të cilët kanë detyrimin për të bërë deklarimin e pasurisë sipas ligjit, strukturat e pagave për nëpunësit e tjerë, si dhe një përshkrim të procedurave të zgjedhjes, kompetencave dhe detyrave të funksionareve të lartë të DNJF-së dhe procedurën që ata ndjekin për të marrë vendime.
• Mbi mekanizmat monitorues dhe të kontrollit që veprojnë mbi DNJF-në përfshirë planet strategjike të punës, raportet e auditimit nga Kontrolli i Lartë i Shtetit ose subjekte të tjera si dhe dokumente të tjera që përmbajnë tregues të performancës së autoritetit;
• Mbi informacionin për buxhetin dhe planin e shpenzimeve për vitin financiar në vijim dhe vitin e kaluar, si dhe çdo raport vjetor për zbatimin e buxhetit.
• Informacion për procedurat e prokurimit apo procedurat konkurruese të koncesionit/partneritetit publik privat, përkatësisht sipas parashikimeve të ligjit nr.9643, datë 20.12.2006 “Për prokurimin publik” si dhe ligjin nr.125/2013 “Për koncesionet dhe partneritetin publik dhe privat, që kryhen për llogari të autoretit publik duke përfshirë: listën e kontratave të lidhura, shumën e kontraktuar, palët kontraktuese dhe përshkrimin e shërbimeve mallrave të kontraktuara, informacionin për zbatimin dhe monitorimin e kontratave, si dhe udhëzues e politika të ndryshme;
• Informacion për shërbimet që autoriteti i jep publikut, përfshirë standardet për cilësinë e shërbimit, një përshkrim të kategorive dhe formave të ndihmës shoqërore, subvencioneve të dhëna nga autoriteti publik dhe të procedurave për t’i përfituar ato, informacione dhe dokumente që kërkohen shpesh si dhe çdo informacion tjetër që gjykohet i dobishëm nga autoriteti publik;
• Çdo mekanizëm dhe procedurë për bërjen e kërkesave dhe ankesave, në lidhje me veprimet ose mosveprimet e autoritetit publik. Një përshkrim të thjeshtë të sistemit që përdor DNJF për mbajtjen e dokumentacionit, të llojeve, formave të dokumenteve si dhe kategorive të informacionit që bëhet publike pa kërkesë;
• DNJF-ja gjithashtu, krijon dhe arkivon një kopje digjitale në faqen zyrtare në internet, të plotësuar me informacionin që kërkohet me programin e miratuar të transparencës, si dhe për metodat, mekanizmat dhe periodicitetin e publikimit të informacioneve publike, të cilat vihen në dispozicion të publikut pa kërkesë.