Forma e dytë e ndihmës ligjore apo ndryshe Ndihma Juridike Dytësore, është ai lloj shërbimi ligjor që ofrohet për problematikat zgjidhja e të cilave mund të realizohet nëpërmjet gjykatës. Kjo lloj ndihme ofrohet nga avokatët e licencuar nga Dhoma Kombëtare e Avokatisë.
Gjithashtu, personat që përfitojnë nga kjo formë e ndihmës juridike mund të përfitojnë përjashtim nga:
- Pagimi i tarifave dhe shpenzimeve gjyqësore (shpenzimet për dëshmitarët, ekspertët, përkthyesit);
- Parapagimi i tarifës së ekzekutimit të vendimit pranë shërbimit përmbarimor gjyqësor shtetëror.
Ku mund të drejtohem për të përfituar ndihmë juridike dytësore?
Për të përfituar nga forma e dytë e ndihmës ligjore ju mund të drejtoheni personalisht ose me anë të shërbimit postar pranë:
- Gjykatës ose prokurorisë, përpara apo në fillim të një procesi gjyqësor
- Ose Qendrat e Shërbimit të Ndihmës Juridike Parësore do t’iu asistojnë në plotësimin e formularëve të nevojshëm pë përfitimin e ndihmës juridike dytësore (avokati falas).
Personi që gëzon të drejtën për të përfituar nga forma e dytë e ndihmës ligjore, mund ta paraqesë kërkesën nëpërmjet:
- Një përfaqësuesi ligjor apo të pajisur me prokurë, (akt noterial); ose
- Nëpërmjet bashkëshortit/es, bashkëjetuesit/es ose një të afërmi të ngushtë.
Çfarë dokumentacioni më duhet të plotësoj?
Për të përfituar nga forma e dytë e ndihmës ligjore (përfaqësim në gjykatë), nga ana juaj duhet të plotësohet:
Formularët e mësipërm, duhet të shoqërohen edhe nga disa dokumenta vërtetues të llojit:
- Çertifikatë familjare
Në varësi të rastit;
- Vërtetim papunësie;
- Vërtetim që trajtohesh me ndihmë ekonomike;
- Vërtetim që trajtohesh me kemp (paaftësi mendore/fizike);
- Vërtetim mbi pasuritë e paluajtshme që disponon;
- Vërtetim page bruto dhe neto;
- Vërtetim nga sigurimet shoqërore në rast të pagesës që kryhet prej këtyre institucioneve sikurse mund të jetë pensioni i pleqërisë.